మేలుకో విశ్వాసి మేలుకో
చూచుకో నీ స్థితిని కాచుకో (2)
మేలుకో విశ్వాసి మేలుకో
ఇది అంత్య కాలం.. భ్రష్టత్వ కాలం (2)
ఇహ లోక మాలిన్యం దూరపరచుకో
మదిలోని మురికినంత కడిగివేసికో ||మేలుకో||
నిన్ను గూర్చి సేవ గూర్చి జాగ్రత్త
మంద యొక్క సాక్ష్యమెంతో జాగ్రత్త (2)
విశ్వాసం లేని దుష్ట హృదయము
చేదు వేరు నీవేనేమో చూడు జాగ్రత్త ||మేలుకో||
ప్రేమ లేక పరిశుద్ధత కలుగునా
ధర్మశాస్త్ర సారమే ప్రేమ కదా (2)
ప్రేమ లేక ద్వేషింప బూనితే
క్రీస్తు ప్రేమ సిలువలో వ్యర్ధమే కదా ||మేలుకో||
