యెహోవాయే నా కాపరిగా
నాకేమి కొదువగును (2)
పచ్చికగల చోట్లలో
నన్నాయనే పరుండజేయును (2)
శాంతికరమైన జలములలో (2)
నన్నాయనే నడిపించును (2) ||యెహోవాయే||
గాఢాంధకార లోయలలో
నడిచినా నేను భయపడను (2)
నీ దుడ్డు కఱ్ఱయు నీ దండమును (2)
నా తోడైయుండి నడిపించును (2) ||యెహోవాయే||
నా శత్రువుల ఎదుట నీవు
నా భోజనము సిద్ధపరచి (2)
నా తల నూనెతో నంటియుంటివి (2)
నా గిన్నె నిండి పొర్లుచున్నది (2) ||యెహోవాయే||
నా బ్రతుకు దినములన్నియును
కృపాక్షేమాలు వెంట వచ్చును (2)
నీ మందిరములో నే చిరకాలము (2)
నివాసము చేయ నాశింతును (2) ||యెహోవాయే||
